"Xebatê ronayîşê Yewîya Şaredarîyanê Mintiqaya Anatolîya Başûrî-Rojhelatî, bi dawetê Serekîya Îdareya Averşîyayîşê Mintiqaya GAP'î ya Serekwezîrîye ser o 4ê Êlule 1990î de Rihayî de Mudirîya Îdareya Averşîyayîşê GAP'î de yew kombîyayîşî ra dima dest pêkerd. Nê kombîyayîşî de ke Serekê Şaredarîyanê Mintiqaya GAP (Amed, Dîlok, Sêrt, Şirnex, Batman Riha, Mêrdîn, Semsûr), Serekê Îdareyê GAP û Mudirê Mintiqaya Îdareyê Averşîyayîşê GAP'î beşdar bîy, derheqê awankerdişê Yewîya Şaredarîyanê Mintiqaya GAP de peymeyêk ame viraştene.
Dima Serekê Şaredarîya Amedî yê ê wextî 25ê Kanûne 1990î de Walîtîya Amedî rê muracat kerd, Walîtî 27ê Kanûne 1990î de waştişnameyê muracatî erşawit Wezaretê Karê Zereyî. Wezaretê Karê Zereyî no waştiş pêşkêşê Heyetê Wezîran kerd, bi qerarê Heyetê Wezîran ê 25ê Çeleyî 1991 û numreyê 91/1427 destûr ame dayene ke yewîye bêro ronayene û dest bi berhemdayîşê xîzmetî bîyo. Nameyê yewîye dima bedelîya û bî YEWÎYA ŞAREDARÎYANÊ MINTIQAYA ANATOLÎYA BAŞÛRÎ-ROJHELATÎ (GABB)."
